தெற்கு Wairarapa குறைந்தது இரண்டு வீடுகள் மற்றும் பல பண்ணை கட்டிடங்கள் தீப்பிடித்துள்ளன.
Morison Bush இல் உள்ள Wards Line இல் அதிகாலை 3.44 மணியளவில் வீடு தீப்பிடித்ததாக தகவல் கிடைத்ததாக தீயணைப்பு மற்றும் அவசரநிலை சேவைகள் கூறியது.
அங்கு வந்த தீயணைப்பு குழுவினர் வீடுகள், கால்நடை பண்ணைகள் உட்பட பல கட்டிடங்கள் எரிவதைக் கண்டனர்.
இந்நிலையில் Wairarapa, Palmerston North மற்றும் Hutt Valley வில் இருந்து வந்த தீயணைப்பு குழுவினர் ஒரு கொட்டகை, இரண்டு வீடுகள், பண்ணைகள் மற்றும் பிற கட்டிடங்களில் ஏற்பட்ட தீயை அணைத்தனர்.
இச் சம்பவத்தில் யாருக்கும் காயம் ஏற்படவில்லை.
தீயணைப்பு மற்றும் அவசரநிலை சேவைகள் இந்த தீயை சந்தேகத்திற்குரியதாகக் கருதுவதாகவும் புலனாய்வாளர்கள் தங்கள் விசாரணைகளை விரைவில் தொடங்குவார்கள் என்றும் கூறியது.
இதனிடையே இந்த தீ விபத்து தொடர்பில் 47 வயதான மாயா மூர் என்ற பெண்ணை கண்டுபிடிப்பதில் பொதுமக்களின் உதவி தேவை என்று பொலிஸார் தெரிவித்துள்ளனர்.
மூர் சுமார் 185 செமீ உயரம், மெல்லிய உடலமைப்பு கொண்டவர்.
இன்று அதிகாலை 4 மணியளவில் அவர் அப்பகுதியில் இருந்ததாக கூறப்படுகிறது.
"இந்த நேரத்தில் அந்த பெண்ணுடன் கதைக்க நாங்கள் ஆர்வமாக உள்ளோம்" என்று துப்பறியும் ஆய்வாளர் டேரின் தாம்சன் கூறினார்.
Morison Bush குடியிருப்பாளர்களை விழிப்புடன் இருக்குமாறும் அவர்களின் சொத்துக்களை சரிபார்க்குமாறும் அவர் கேட்டுக் கொண்டார்.
"பொதுமக்கள் அவளை அணுக வேண்டாம் என்று அறிவுறுத்தப்படுகிறார்கள்," என்று தாம்சன் கூறினார்.
BKZ826 பதிவெண் கொண்ட வெள்ளை நிற 2003 டொயோட்டா கொரோலா செடான் காரையும் அவர் அணுகியதாக போலீசார் தெரிவித்தனர்.
மூரின் இருப்பிடம் பற்றி ஏதேனும் தகவல் தெரிந்தவர்கள், 105 என்ற எண்ணில் காவல்துறையை தொடர்பு கொண்டு கோப்பு எண் 221011/4122 ஐ மேற்கோள் காட்டி தகவல்களை வழங்குமாறு கேட்டுக் கொள்ளப்படுகின்றனர்.
.jpeg)
.jpeg)