Hawke's Bay இல் பொலிஸார் மேற்கொண்ட அதிரடி நடவடிக்கைக்குப் பிறகு, கடையில் திருடுவது முதல் கொலை மிரட்டல் மற்றும் கொள்ளையடித்தல் வரையிலான குற்றங்களில் 21 பேர் கைது செய்யப்பட்டுள்ளனர்.
துப்பறியும் சார்ஜென்ட் ரியான் கெம்ஸ்லி கூறுகையில், இந்த மாத தொடக்கத்தில் தொடங்கிய ஆபரேஷன் மகிபாய், கடையில் திருடுபவர்களை மையமாகக் கொண்டது.
இதன் விளைவாக 21 பேர் ஹேஸ்டிங்ஸ் மற்றும் நேப்பியர் மாவட்ட நீதிமன்றங்களில் ஆஜர்படுத்தப்பட்டதாக அவர் தெரிவித்தார்.
குறித்த நபர்கள் கடையில் உள்ள மளிகைப் பொருட்கள், ஆடைகள், கைக் கருவிகள் மற்றும் மின்சாரப் பொருட்களை திருடியதாக கூறப்படுகிறது.
சில சம்பவங்களில் 1000 டொலருக்கும் அதிகமான மதிப்புள்ள பொருட்கள் திருடப்பட்டதாக அவர் கூறினார். மேலும் பிராந்தியத்தில் உள்ள பல்பொருள் அங்காடிகள், ஷாப்பிங் சென்டர்கள் மற்றும் மால்களில் அதிகாரிகள் அடிக்கடி இருப்பார்கள், என அவர் தெரிவித்தார்.
செய்தி நிருபர் - புகழ்
