இயக்குனர் சிறுத்தை சிவா இயக்கத்தில் சூர்யா நடித்திருக்கும் திரைப்படம் கங்குவா. இந்த திரைப்படம் சூர்யாவின் 42வது படம் என்பது குறிப்பிடத்தக்கது.
மிகப்பெரிய பட்ஜெட்டில் உருவாகி இருக்கும் இந்த படத்தை ஸ்டூடியோ கிரீன் நிறுவனமும், யுவி கிரியேஷன்ஸ் நிறுவனமும் இணைந்து தயாரித்து இருக்கிறது. இந்த படத்திற்கு தேசிய விருது வென்ற தேவி ஸ்ரீ பிரசாத் இசையமைத்திருக்கிறார்.
நடிகர் சூர்யாவின் கெரியரில் கங்குவா திரைப்படம் மிகப்பெரிய இடத்தை பிடிக்கும் என்பது குறிப்பிடத்தக்கது. இந்த படத்தில் ஆறு கதாபாத்திரத்தில் சூர்யா நடித்திருக்கிறார். பாலிவுட் நடிகை திஷா பதானி இந்த படத்தில் கதாநாயகியாக நடித்திருக்கிறார். அது போக பல நட்சத்திரங்கள் இந்த படத்தில் நடித்திருக்கிறார்கள்.
கங்குவா படத்தின் படப்பிடிப்பு கிட்டத்தட்ட ஒன்றரை ஆண்டுகள் எடுத்தது. அந்த வகையில் கங்குவா படத்தில் அவருடைய காட்சி நிறைவடைந்திருப்பதாக சூர்யா அவரது சமூக வலைதள பக்கத்தில் பதிவிட்டு இருக்கிறார். அந்த பதிவில் சூர்யா குறிப்பிட்டு இருப்பது, கங்குவா படத்தில் என்னுடைய கடைசி காட்சி முடிவடைந்தது. படக்குழு முழுவதுமே பாசிட்டிவாக இருந்தது.
இது ஒரு விஷயத்திற்கான முடிவு ஆனால் பல விஷயத்தின் தொடக்கம். இயக்குனருக்கு நன்றி. இத்தனை நினைவுகளை கொடுத்த படக்குழுவினர்களுக்கு நன்றி. கங்குவா மிகப்பெரிய மற்றும் ஸ்பெஷலான ஒன்று. இந்த படத்தை திரையரங்குகளில் பார்க்க காத்திருக்கிறேன் என பதிவிட்டு இருக்கிறார்
கங்குவா படத்தின் கடைசி காட்சியை முடித்த பிறகு சூர்யா படத்தில் வேலை செய்த ஒவ்வொரு கலைஞர்களுக்கும் தங்க நாணயம் பரிசாக கொடுத்திருக்கிறார். கிட்டத்தட்ட ஒன்றரை ஆண்டுகளுக்கு மேலாக படத்தின் படப்பிடிப்பு நடந்திருக்கிறது. எக்கச்சக்கமான ரிஸ்க்கான காட்சிகள் எடுக்க உதவிய பட குழுவினர் அனைவருக்குமே தங்க நாணயம் கொடுத்திருக்கிறார் சூர்யா.
படப்பிடிப்பு முடிந்ததும் இப்படி ஒரு காரியத்தை சூர்யா செய்வார் என எதிர்பார்த்திடாத கலைஞர்களுக்கு இது ஒரு இன்ப அதிர்ச்சியாக இருந்தது என்றால் அது மிகையாகாது. இந்த விஷயத்தை சூர்யாவின் ரசிகர்களும் கங்குவா குழுவினரும் அவர்களது சமூக வலைத்தள மூலமாக கொண்டாடி வருகிறார்கள். மேலும் சூர்யாவின் இந்த செயல் ரசிகர்கள் பாராட்டையும் குவிக்கிறது.
கங்குவா திரைப்படம் தமிழ், தெலுங்கு, மலையாளம், கன்னடா, ஹிந்தி, ஆங்கில மொழிகளில் ரிலீஸ் ஆகிறது. அதுபோக 38 மொழிகளில் ரிலீஸ் ஆகி மிகப்பெரிய சாதனை படைக்கவிருக்கிறது குறிப்பிடத்தக்கது.
.jpeg)
