பிக் பாஸ் 6 வீட்டில் இருப்பவர்கள் சொர்க்கவாசிகள், நரகவாசிகளாக மாறி சண்டை போட்டுக் கொண்டிருக்கிறார்கள்.
இந்நிலையில் லக்ஷுரி பட்ஜெட்டுக்காக பலே டாஸ்க்கை கொடுத்திருக்கிறார் பிக் பாஸ்.
அது தொடர்பான ப்ரொமோ வீடியோ வெளியாகியிருக்கிறது.
லக்ஷுரி பட்ஜெட் டாஸ்க் குறித்து கதிரவன் ஹவுஸ்மேட்ஸிடம் கூறியதாவது, 10 வயதுக்குட்பட்ட குழந்தைகளின் அறிவுத்திறனை மேட்ச் பண்ண வேண்டும் என்றார்.
தமிழ் எழுத்துக்கள் மொத்தம் எத்தனை என்று பிக் பாஸ் கேட்க, 18 என்று பதில் அளித்தார் மைனா நந்தினி.
இந்தியாவின் தேசிய விலங்கு எது என்று தனலட்சுமியிடம் கேட்டார் பிக் பாஸ்.
சிறுத்தை என்று ஆக்ஷனோடு பதில் அளித்தார் தனலட்சுமி.
அவர் சொன்னதை கேட்ட ஹவுஸ்மேட்ஸோ, இது கூடவா உனக்கு தெரியாது தனா என்பது போன்று கைகொட்டி சிரித்தார்கள்.
இதையடுத்து ஓடி விளையாடு பாப்பா பாடலின் அடுத்த மூன்று வரிகளை சொல்லுமாறு அசீமிடம் கேட்டார் பிக் பாஸ்.
அசீமோ ஓடி விளையாடு பாப்பா என்று யோசித்தபடியே இழுத்தார்.
ஆத்திச்சூடியில் முதல் ஐந்து வரிகளை சொல்லச் சொன்னால் இந்த கதிரவனோ, ஆத்திச்சூ இது ஆத்திச்சூ என்று பாட்டு பாடத் துவங்கிவிட்டார்.
கதிரின் அறிவை பார்த்து வியந்த பிக் பாஸோ, ஔவையார் எழுதிய ஆத்திச்சூடி என்றார்.
அதன் பிறகே தான் செய்த தவறு கதிருக்கு புரிந்தது.
ப்ரொமோ வீடியோவை பார்த்தவர்கள் கூறியிருப்பதாவது, தமிழ் புலவர் அசீம் எக்ஸ்போஸ் செய்யப்பட்டார்.
யோவ் கதிர், ஆத்திச்சூடி கூட உமக்கு தெரியாதா?
இது என்னய்யா ஆத்திச்சூடிக்கு வந்த சோதனை.
தமிழ் புலவருக்கு ஓடி விளையாடு பாப்பா கூட தெரியாதா?
நம் தேசிய விலங்கு புலி என்பது தனலட்சுமிக்கு தெரியாதா என கேள்வி எழுப்பியுள்ளனர்.
தனலட்சுமியை வேண்டும் என்றே மாட்டிவிட வைப்பது போன்று இந்த ப்ரொமோ வீடியோவை உருவாக்கியிருக்கிறார்கள் என தோன்றுகிறது. அது எப்படி புலிக்கு பதில் சிறுத்தை என்று சொல்லியிருப்பார். சிறு பிள்ளைகளுக்கு தெரிந்தது கூட பிக் பாஸ் போட்டியாளர்களுக்கு தெரியவில்லையே என பார்வையாளர்கள் தெரிவித்துள்ளனர்.
