தமிழ் சினிமாவில் உச்ச நட்சத்திரமாக திகழும் ரஜினிகாந்த் தற்போது 'வேட்டையன்' படத்தில் நடித்து வருகிறார். இப்படத்தின் ஷுட்டிங் தற்போது மும்முரமாக நடந்து வருகிறது. அண்மையில் இப்படத்தின் டீசர் வெளியாகி இணையத்தில் பட்டையை கிளப்பியது. இந்நிலையில் 'வேட்டையன்' படம் குறித்து லேட்டஸ்ட் தகவல் ஒன்று வெளியாகியுள்ளது.
அதன்படி இப்படத்தில் நடிக்கும் பகத் பாசில், ரஜினியின் மகன் கதாபாத்திரத்தில் நடிப்பதாக கூறப்படுகிறது. மேலும், ராணா வில்லன் வேடத்தில் நடித்து வருவதாகவும் தகவல்கள் வெளியாகியுள்ளன. இதனிடையில் 'வேட்டையன்' பட டீசர் 'ஜெயிலர்' படம் போன்று இருப்பதாக விமர்சனங்கள் எழுந்துள்ளது குறிப்பிடத்தக்கது.
மேலும், 'வேட்டையன்' படத்தில் பிரபல பாலிவுட் நடிகர் அமிதாப் பச்சன் மற்றும் மஞ்சு வாரியர், துஷாரா விஜயன், ரித்திகா சிங் உள்ளிட்டோர் இணைந்து நடிக்கின்றனர். இப்படத்தினை தொடர்ந்து லோகேஷ் கனகராஜ் இயக்கத்தில் நடிக்கவிருக்கிறார் ரஜினி. சன் பிக்சர்ஸ் நிறுவன தயாரிப்பில் உருவாகவுள்ள இப்படத்தின் ஷுட்டிங் அடுத்த வருடம் ஏப்ரல் மாதத்தில் இருந்து துவங்கவுள்ளது குறிப்பிடத்தக்கது.
