நியூசிலாந்தில் கடந்த வாரத்தில் 19,215 கொவிட் தொற்றுகள் சமூகத்தில் அடையாளம் காணப்பட்டுள்ளதாக சுகாதார அமைச்சகம் தெரிவித்துள்ளது.
இது ஜனவரி 09 திங்கள் முதல் ஜனவரி 15 ஞாயிறு வரை பதிவான தொற்றுகளின் எண்ணிக்கை ஆகும்.
மேலும் கொவிட் தொற்றால் பாதிக்கப்பட்ட 10 வயதுக்குட்பட்ட குழந்தை உட்பட 57 பேர் இறந்துள்ளனர்.
உயிரிழந்தவர்களில் மற்றொருவர் 10 முதல் 19 வயதிற்குட்பட்டவர் என அமைச்சகம் தெரிவித்துள்ளது.
மேலும் உயிரிழந்தவர்களில் 30 பேர் ஆண்கள் மற்றும் 27 பேர் பெண்கள் என அமைச்சகம் தெரிவித்துள்ளது.
இதனிடையே நேற்று நள்ளிரவு நிலவரப்படி தீவிர சிகிச்சை பிரிவில் 08 பேர் உட்பட 333 பேர் மருத்துவமனையில் சிகிச்சை பெற்று வருகின்றனர்.
#Arasannz #Covidupdatenz #Nznews #Nz #Covid
