பிரதமர் கிறிஸ் ஹிப்கின்ஸ் காய்ச்சல் தடுப்பூசி மற்றும் கொவிட் பூஸ்டர் தடுப்பூசியை இன்று செலுத்திக் கொண்டுள்ளார்.
மேலும் மற்றவர்களையும் தடுப்பூசியை பெற்றுக் கொள்ளுமாறு ஊக்குவிக்கிறார்.
இன்று முதல், பலர் கொவிய்-19 பைவலன்ட் தடுப்பூசிக்கு தகுதி பெற்றுள்ளனர், இது இரண்டு வகையான கொரோனா வைரஸிலிருந்து பாதுகாக்கிறது.
இந்நிலையில் பிரதமர் கிறிஸ் ஹிப்கின்ஸ் இன்று காலை Upper Hutt இல் Queen Street இல் உள்ள மருத்துவ மையத்தில் சுகாதார அமைச்சர் ஆயிஷா வெரால் உடன் இணைந்து தடுப்பூசியை பெற்றுக் கொண்டார்.
குளிர்காலம் வருவதற்கு முன்பு மக்கள் தடுப்பூசியை பெறுவது முக்கியம் என்று அவர் கூறினார்.
தடுப்பூசி வழங்கும் நிகழ்வுகள் நாடு முழுவதும் நடக்கும், அங்கு எங்கள் உள்ளூர் சமூக சுகாதார வழங்குநர்கள் மக்கள் தங்களின் காய்ச்சல் மற்றும் கோவிட் பூஸ்டர்களைப் பெற ஊக்குவிப்பார்கள், மேலும் அந்த வாய்ப்பைப் பயன்படுத்த நான் மக்களை ஊக்குவிக்கிறேன்." என அவர் தெரிவித்தார்.
இதனிடையே சுகாதார அமைச்சர் ஆயிஷா வெரால் இன்று காலை இரண்டு ஊசிகளையும் பெற்றார், மேலும் பலர் ஒரே நேரத்தில் காய்ச்சல் மற்றும் கோவிட் பூஸ்டர் ஷாட்களைப் பெற முடியும் என்று அவர் கூறினார்.
நாட்டில் தற்போது 700,000 க்கும் மேற்பட்ட கோவிட் தடுப்பூசிகள் மற்றும் காய்ச்சலுக்கான 800,000 தடுப்பூசிகள் உள்ளன, மேலும் வரவுள்ளன என்று அவர் கூறினார்.
கடந்த ஆண்டை விட அதிகமான காய்ச்சல் தடுப்பூசிகளை அரசாங்கம் ஆர்டர் செய்துள்ளதாக அவர் கூறினார்.
