போஸி பார்க்கர் என்று அழைக்கப்படும் திருநங்கைகளுக்கு எதிரான சர்ச்சைக்குரிய இங்கிலாந்து செயற்பாட்டாளர் கெல்லி-ஜே கீன்-மின்ஷுல் இன்று ஆக்லாந்தில் பேரணி ஒன்றை மேற்கொண்டு வருகின்றார்.
இந்நிலையில் அவரது பேரணிக்கு எதிர்ப்புத் தெரிவிக்க ஆக்லாந்தின் ஆல்பர்ட் பூங்காவில் ஆயிரக்கணக்கான மக்கள் இன்று கூடினர்.
வானவில் சமூகமும் கூட்டாளிகளும் இங்கிலாந்து செயற்பாட்டாளரின் வருகையை உரத்த குரலில் எதிர்த்தனர். வானவில் கொடிகளை அசைத்து, முடிந்தவரை சத்தம் எழுப்பினர்.
காலை 11 மணியளவில் எதிர்ப்பாளர்கள் 2000 பேர் வரை கூடத் தொடங்கினர்
அவர்கள் சமூகத்திற்கு ஆதரவைக் காட்டுவதாகவும், கீன்-மின்ஷுல்லின் சொல்லாட்சி கேட்கப்படாமல் இருப்பதை உறுதி செய்வதாகவும் கூறினார்கள்.
கீன்-மின்ஷுல் சிறிது நேரத்தில் அந்த இடத்திற்கு வந்த போது, ஒரு நபர் தக்காளி சாற்றை அவர் மீது தெளித்தார்.
பின்னர் அவர் உரை நிகழ்த்த முயன்றபோது, ஆயிரத்திற்கும் மேற்பட்ட மக்கள், தண்ணீர், பெயிண்ட் மற்றும் முட்டைகளை அவர் மீது வீசினர்.
இதனையடுத்து பார்க்கரின் பாதுகாப்பு ஊழியர்கள் அவரல பூங்காவிற்கு வெளியே அழைத்துச் சென்றனர், மேலும் அவர் அந்தப் பகுதியிலிருந்து போலீஸ் காரில் அழைத்துச் செல்லப்பட்டார்.
போலீஸாரும் பாதுகாப்புப் படையினரும் அவரை வெளியே அழைத்துச் செல்லும் போது சிறு கைகலப்பு ஏற்பட்டது.
கீன்-மின்ஷுல்லின் ஆதரவாளர்களைப் பொறுத்தவரை, குறிப்பிடத்தக்க அளவில் சிறிய குழு இருந்தது.
இந்த பேரணியினால் ஆக்லாந்தில் பரபரப்பான சூழல் நிலவுகிறது.
