Rotorua மற்றும் Taupō இல் இடம்பெற்ற மூன்று வெவ்வேறு கொள்ளை சம்பவங்கள் தொடர்பில் நான்கு பேர் மீது கைது செய்யப்பட்டுள்ளனர்.
Rotorua வில் உள்ள Tutanekai தெருவில் ஒரு கடையில் மே 22 அன்று ஒரு வணிக நிலையத்தில் ஒரு மோசமான கொள்ளை சம்பவம் இடம்பெற்றதாக துப்பறியும் மூத்த சார்ஜென்ட் மார்க் வான் கெம்பன் கூறினார்.
அதே நாளில் அதிகாலை 4.30 மணியளவில், Tutanekai தெருவில் மீண்டும் ஒரு கொள்ளை சம்பவம் இடம்பெற்றதாக காவல்துறைக்கு தகவல் வழங்கப்பட்டது.
அங்கிருந்து பல பொருட்களை எடுத்துக்கொண்டு தப்பி ஓடிய மூன்று குற்றவாளிகள் வாகனம் ஒன்றை திருடிச் சென்றனர். அதிகாலை 5 மணியளவில், மூவரும் ஃபேரி ஸ்பிரிங்ஸ் சாலையில் உள்ள வளாகத்திற்குள் நுழைந்து இரண்டு ஊழியர்களை மிரட்டினர்.
குறித்த குற்றவாளிகள் பின்னர் வளாகத்தை விட்டு வெளியேறி ஹமில்டனுக்கும் பின்னர் ஆக்லாந்திற்கும் சென்றனர்.
ஹமில்டன் மற்றும் ஆக்லாந்து பகுதிகளில் பொலிஸார் மேற்கொண்ட தேடுதல் நடவடிக்கையின் விளைவாக சம்பவங்களின் போது எடுக்கப்பட்டதாகக் கூறப்படும் பல பொருட்கள் மீட்கப்பட்டதாகவும் வான் கெம்பன் கூறினார்.
30 வயதுடைய ஒரு பெண் மற்றும் இரண்டு இளைஞர்கள் கைது செய்யப்பட்டு குற்றம் சுமத்தப்பட்டுள்ளதாக அவர் தெரிவித்தார்.
இதற்கிடையில் Taupō இல் ஒரு கடையில் கொள்ளையில் ஈடுபட்ட மற்றொரு இளைஞர் கைது செய்யப்பட்டுள்ளார்.
இந்த சம்பவம் மே 19 அன்று அதிகாலை 3.45 மணியளவில் நடந்தது. கடைக்குள் நுழைந்து ஏராளமான பொருட்களை அவர் திருடிச்சென்றதாக வான் கெம்பன் மேலும் தெரிவித்தார்.
செய்தி நிருபர் - புகழ்
